AFMÆLI Í UNDRALANDI

Þessari helgi eyddi ég á Undralandi, þar sem afmælishátíð hennar Árdyzar var haldin. Undraland er óðallinn hennar Árdyzar á Ströndum, lítið krúttlegt hús með smá landareign.

Þegar við komum á staðinn þá var verið að henda upp stærðanir partýtjaldi og gestir veislunnar í óðaönn að  tjalda sínum tjöldum í kring.

Dagskráin byrjaði með 3ja rétta kvöldverð sem var æðislegur. Í forrétt var svakalega góð humarsúpa sem ég og Erna matreiddum. Í aðalrétt var lamb sem hafði verið eldað í holu fyrir framan hús og hafði verið að malla um daginn. Í eftirrétt var heimalagaður rabbabaragrautur með rjóma.

Eftir matinn komu skemmtiatriðin sem voru af öllu tagi. Spurningakeppni um Árdyzi á milli systra hennar og mágkvenna sem endaði með afar dramatísku jafntefli, nokkur söngatriði og að lokum var sungið við varðeldin. 

Ég skemmti mér alveg konunglega og vona að Árdyz taki upp á þessu fyrir öll afmæli hjá sér.

Ég segi stolt frá því að eftir heimkomu í gærkveldi þá hafði afmælisbarnið samband við mig og tjáði mér að sérvalin nefnd hefði útnefnt mig Rokkstjörnu Helgarinnar fyrir störf mín í þágu öryggis almennings

Athugasemdir

[Árdís (IP-tala skráð) 29.7.2008 kl. 17:54]

Ást og virðing alla leið !

[Íris, 31.7.2008 kl. 13:04]

Heil og sæl :) Gott að geta fylgst með þér aftur